"قضية رأي عام"

ممكن كل واحد يقرا العنوان يفتكر اني هتكلم عن قضية بس انا اقصد مسلسل قضية رأي عام بتاع النجمة يسرا بصراحة المسلسل كان حلو اوي ونوعية جديدة من المسلسلات وحاز علي اعجاب الجماهير مش مهم خلينا في الموضوع اللي حصل في الاخر هو ده بقي اللي انا عايزة اتناقش فيه تفتكروا ياجماعة اللي حصل في الاخر ده ممكن يحصل انا مش بتكلم في القضية ولا بتكلم علي انهم يستحقوا العقاب ملناش دعوة بده باختصار هو معقولة ياشباب في ابن وزير بيتعاقب ولا يقدر يدخل يوم السجن او ينام ع البرش مع السفاحين وقاتلين القتلة في ابن وزير بيخضع للقانون او يدخل المحكمة وجلسات ويتعرض ع النيابة والكلام ده ياعم انت بتهرج ولا ايه ياعم ده لو عامل كارثة او حتي قبضوا عليه متلبس الموضوع في لحظة يتلفق لشخص اخر او يتنام عليه زي ما في مواضيع كتيرة اوي بيتنام عليها معقول ده ممكن يحصل: دول ياعم سايقين فيها ولا بيهمهم اي حد ولو حد منهم عمل حاجة واضطره الامر انه يروح القسم او حد رفع عليه دعوة او وداه النيابة يروح ابوه بتليفون واحد او مسد كول ويسحبه من هناك وكأن شيئا لم يحدث وكل اللي وقفوه قصاد ابنه يروحوا في داهية وقول عليهم يارحمان يارحيم وعايزة اقول ان المساواة والعدل اللي بنشوفه في المسلسلات وان القانون فوق الجميع وكلنا ولاد تسعة ما هو الا كلام مسلسلات وحبكة درامية انت بتتكلم في ايه ده وزير يا ابا هو فيه ابن وزير بيفرق معاه حد ولا ابن مسئول ولا ابن لواء شرطة ولا حد جامد دول بيمشوا يقولوا يا ارض اتهدي ما عليكي ادي وبيبان عليهم من النفخة الكدابة وماشيين يخربوا واللي يتكلم معاه نص كلمة لو حد جتله جرأة يعني يرد عليه يقوله انت متعرفش انت بتكلم مين :انا بقي نفسي اقوله هتكون مين انت واحد ربنا افرجها علي ابوك وبقي وزير اد الدنيا علشان طبعا يستغل منصبه ويشوف القانون بيقول ايه ويعمل عكسه فهو ميتفرعنش علينا ليه ده طبعا يقتل ويسرق ويخرب ويبهدل ويغتصب وينيل الدنيا وابوه يقوله انا عايزك تحس انك ابن وزير انه يعني يعمل الغلط وميتعقبش عليه ع العموم ربنا يديهم الصحة ويخربوا كمان وكمان علي اد مايقدروا اصلها ناقصة خرااااااااااااااااااااااااااااااااااااااااااااااااااب اكتر من اللي موجود!!!!!!!!!!!!!!!ا

مرة واحدة قولت ابص حوليا لقيت حاجة غريبة حاجة مريبة لقيت الخراب طايل كل حاجة في البلد لقيت فساد لقيت انهيار :انهيار لكل حاجة انهيار اخلاقي :انهيار قيم ومبادئ انهيار مجتمع بحاله لقيت انحدار في كل حاجة في المستوي التعليمي والثقافي والاجتماعي والاقتصادي اتقهرت وزعلت وبكيت علي الحال اللي احنا وصلناله اصلي ملقتش اي حاجة تفتح نفسي فكرهت العيشة واللي عيشنها ولما بصيت علي الشعب لقيته غلبان محلتهوش الا الكلام والبكا علي الحال محلتهوش الا الفضفضة والثرثرة من الغلب اللي هو شيفه الشعب زهق من كل حاجة عايز يمشي ويسيبها بس هيمشي يروح علي فين ملوش حتة غيرها لما بصيت علي الشعب لقيت الهم طايل الكبير والصغير البنت والولد الراجل والست محدش بقي طايق حد ومحدش مستحمل اي كلمة لاي حد كأننا ماشيين وعايزين نتخانق مع روحنا بقينا نمشي نكلم نفسنا في الشارع او في الميكروباص او في الاتوبيس فأي حتة بنمشي مش حاسيين بروحنا وبنقول ربنا يعديها علي خير وفي الاخر قولت ياريتني مكنت بصيت ولا اخد بالي من الحال ياريتني فضلت صغيرة طفلة او يارتني مكنت جيت اصلا اصلها بقت قاسية اوي علينا بس هنعمل ايه محلتناش غير الدعوة ربنا يسترها علينا ويعديها علي خير!!!!!!!!!!!!!!!!!ا